المشاهدات: 8133   المدة: 15:55   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ❀ ♬ Ashk
كفيـل .. آنه للخـدر
يعيـل .. ياهو اليگـدر

درة علي آنه . درة علي آنه


آنه زينب موش ياهي الچان آنه
آنه أخت الـو گعد يترس امچانه
لـوذن ابعمتچن وفنـه الإجانه
بيه هيبة حيدره وشايل لوانه

اليشوف . طولي من خوفه
يطيح . گلبه بـچفوفه

درة علي آنه ... درة علي آنه
______________________________


آنه هيبة ابوفاضل كلها بيـه
امشي ابهيبة اميرة مو سبيـه
هذا ياچف الگدر ينمد عليـه
غير أگصن شاربه وچفه سويـه

يخاف . مني عسكرهم
من اصيح . هم يردلهم

درة علي آنه ... درة علي آنه
______________________________

آنه إخت الــعالشريعة بسيفه ذلكم
وابمچان الماي بالجربه ترسكم
بني هاشم اهلي آنه وانتو اهلكم
يخجل التاريخ لو جابو ذچـركم

هلي . بالعرش صلوا
وجريب . على الرب وصلوا

درة علي آنه ... درة علي آنه
______________________________

آنه بسمي كلها تتباهى عمـامي
رغم كل الصار بس ظل عالي هامي
الخايفه من الليل أگلها امأمنه نامي
موش آنه اللي طحت طاحن خيامي

وراي . تمشي قادتهم
ولا . ينسمع حسهم

درة علي آنه ... درة علي آنه
______________________________

آنه راية للشرف ينحلف بيها
موش آنه التذل من تثگل عليها
مااتذل الگمطت العباس اديها
اضعونهم لوتيهت آنه ادليها

اجيت . بلغوا قائــدكم
ادوس . ابجدمي مجلسـكم

درة علي آنه ... درة علي آنه
______________________________

بلغوا قائدكم إجالك علي ابكبره
راح أخلي فوگ راسه إيطيح قصره
باچر من اوصله اخله ايحير بأمره
إلا اخله إيطيح من اعيون بزره

إجاك . علي گلوله
مثل . هيبته اوطوله

درة علي آنه ... درة علي آنه
______________________________

ياهـوه العد روحه قائد روح گله
باچر اخطب خطبتي ابقصره واذله
حلگه يبقه اهناك مايگدر يعدله
وتنتكس رايتهم ورايتنا تعله

يحير . من اخطب ابقصره
علي . ياهو اليگدره

درة علي آنه ... درة علي آنه

_____________________________

كلمات واداء : مرتضـى حـرب 1441 هـ