المشاهدات: 36   المدة: 4:55   الدقة: عالية
التصنيف: صوتيات دينية   الكلمات الدلالية: كلمات، محمدابوعمارالحزباوي
تعليق بواسطة ابوامجدالبدوي
يابن عمي اتگرّب صوبي وغيظ البيني وبينك كتره
خل انحاول ننسى الماضي وكل مكسور ابحُبنا انجبره
وخل انحاول نرجع ثاني وحبل الخوّه اردود انعكره
وخل انزور الفاگد غالي و فاگد صبره ابحب انصبره
وكلمن صاحب حگ انزوره وكل مطلوب ايثنّي انجبره
خل يتعذّر من طلّابه ويصفح عنه ويقبل عذره
حيث الخوّه اتريد مدارا وحكمه ووحدة راي و شورى
من نتصافى انخلّي الدنيا امفتحه وتضحك مثل الزهره
وبدر الوحده ايشع ابنوره وليل الدامس يصبح گمره
من نتراضى اتطّيب العشره ويحلا الكيف وتحلا السهره
وكل مجروح ايبلسم جرحه وكل مسگوم ايطيب ويبرا
والأمجاد الـ عنّا انشقّت من نتعاون ترجع تترى
خل نتوحّد نخلط دمنا و وردة حبنا اتفتّح حمرا
الوحده اتطّفّي النار الـ بينا وتشعل بالضّد مِيّة جمره
إيدي ابـ إيدك يابن عمي وخل نتشابچ عشره ابعشره
خل نتحدّى ارمال الصحرا ابزود الحب ونزرع بذره
وخل نسگيها ابدم الغيره وتروى ابساع وتصبح شجره
وخل نتعاهد يابن عمي انباهي الشجره الحد الثمره
وكل طماع ايظل ابغيظه و وكت الثمره ايموت ابقهره

محمد ابوعمار الحزباوي