المشاهدات: 4813   المدة: 20:01   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ❀ ♬ Ashk
رسالة توصل لمشهد .. من ابو محمد لبو محمد
تشرحله المصاب
الحسن بالونـه والحسره .. يسـولف والرضـا اليقره
تفصيل الكتاب
_________________________________________________
بالمناحة كتاب گاطع ابمسراه
من الحسن مرسول والرضا اليقراه
من البقيع لطوس جاب جرحه اوياه
حبـره من ادموع والورق من آه
الحسن من وده مرساله .. يسولف للرضا احواله
بالهم والعذاب
كتاب بدمعته موقع .. تعالوا الليله خل نسمع
تفصيل الكتاب
_________________________________________________
يبن اخوي وياي تشترك بالهم
چبك وچبدي گطعوا بالسم
لچن گبرك صار عالأرض معلم
مو مثل گبري اعليه يتهدم
ضريحـك كوكب الدري .. يبـن موسى وانه گبري
ساووه بالتراب
إلك من يوصل كتابي .. يخبرك همي ومصابي
تفصيل الكتاب
_________________________________________________
مرقدك بالكون شعت انواره
ايناطح الغيمات طول المناره
ومرقدي ياحيف طمسـوا آثاره
ما بقه منــه بس الحجاره
منارة مرقدك تضوي .. ابشهادة الثالثة تدوي
وتجتاز السحاب
وانه الهدموا مناراتي .. يفصلك معاناتي
تفصيل الكتاب
_________________________________________________
ياغريب بطوس چم محب زارك
رغم بُعد الدار عامرة دارك
عن غربتي اليوم شوف بنضارك
عدد زواري وعدد زوارك
غريب الغرباء إسمك .. رغم كل شيعتك يمك
وين الإغتراب !
وانه الزواري ممنوعه .. اليجيني تقره بدموعه
تفصيل الكتاب
_________________________________________________
تدري عمك چان هالچثير ارماد
بيه حسره اليوم الماضي لو ينعاد
وين اضيفهم من تجي الوفاد
صحن ماعندي مثل قوهرشاد
إذا هدموا علي داري .. أضيف وين خطاري
من تنــدگلي باب
شـعد من لوعتي وشـحساب .. إلك بين السطور أكتب
تفصيل الكتاب
_________________________________________________
حارس اعتابك عنده رفعة شان
يكفي صار إسمه خادم السلطان
حارسي الواگـف من بنـي سفيان
لوشفت وجهـه تذكــر الشيطان
شياطين الإنس يمي .. أمس هجموا علـى أمي
واهيه ابـلا حجاب
صفوا عـدواني جيراني .. يوضـح مجمل احزاني
تفصيل الكتاب
_________________________________________________
يرضا وگبرك حاوي هالرفعه
وانه ظل گبري بحسـرة الشمعه
مو فقط حالي الحالك ايفجعه
اثلاثه هم مثلي وامهم البضعه
علي والبـاقر وجعفر .. ثلاثه وأمهـم الكـوثر
ماعدهم قباب
واخبرك أم ابوفاضل .. مثلهم وإسمع شـگايل
تفصيل الكتاب
_________________________________________________
يرضا وشوال شهر بيه العيد
لاچن ابثامن منـه حزن ايزيد
المهدي هوه العيد عيدي عني بعيد
يظهر ويبني گبري من اجديد
رسالة ووصلت لگبرك .. يبو محمد وانه انتظرك
ترجعلي الجواب
ابكتابي يرتفع نوحك .. وانه ادري يلچم جروحك
تفصيل الكتاب