المشاهدات: 152   المدة: 5:01   الدقة: عالية
التصنيف: صوتيات دينية   الكلمات الدلالية: Hussein Hameed
تعليق بواسطة Hussein Hameed
هنيالهه الموجود ابوهه | يوسف الصبيحاوي | محرم 1443 2021

اليتيمة
هنيالهه الموجود ابوهه
أداء وألحان : يوسف الصبيحاوي
كلمات الشاعر : رعد الفريجي
هندسة صوتية : يوسف عبد الرحمن
توزيع : باقر نجاح الحجامي

-------------------------

كلمات القصيدة :

هنيالهه الموجود ابوهه
ما تنهظم لو زعلوهه
يحضرهه گبل الدمعه والآه
بنيته بأمان تعيش وياه
هنيالهه الموجود ابوهه

،،،،،،،،،،،،،،،،،،،،،،،،،،،،،،،،،،،،،،،،،،


يا بويه علة گلبي عله
ياهو اعلى ضيم گليبي اگله
لو رحت بويه سنيني شتفيد
لا والله موتك مو محله

وين التفت والدنيا ما ترحمني لحضات
ذوله الشماته اتبسمو لمن صحت مات
يا بويه شيردك بعد لا والله هيهات
الجوه التراب شلون شتفيده السلامات
ظليت وحدي ويا ندامه
موتك احس بيه القيامه
والعدهه مثلك لا متنساه
هيچ بأمان تعيش وياه
هنيالهه الموجود ابوهه

،،،،،،،،،،،،،،،،،،،،،،،،،،،،،،،،،،،،،

لو رحت ياهو يظل اليه
وياهو البعد ينشد عليه
اصبح غريبه وگلبي مكسور
سموني من بعدك خطيه

خانگني دمعي وحالي لا متوصفه العيون
خلوني يمه اشبع وفه ها يلتشيعون
جوه التراب البيه محنه شلون مدفون
يرحون اهل الغيره من عدنا ويشيلون

ليهسه ما بارد حچيهم
يسوون لو نبچي عليهم ؟
ويلاه رايح بويه ويلاه
هيچ بأمان تعيش وياه
هنيالهه الموجود ابوهه

،،،،،،،،،،،،،،،،،،،،،،،،،،،،،،،،،،،،،،،،،،

الما عدهه أبو هيه الغريبه
المدفون ما تگدر تجيبه
هواي البشر والاف الوجوه
بس الگلب ميت حبيبه

وين التفت والناس لا ما بيهم الراح
ما اگدر احچيلك عذابي وكثر الجراح
اليفگدله والد (هم ينام ولحظه يرتاح) ؟
الطايح يفزعوله الاهل بس گلبي من طاح


لا وسفه ليش ولا اسم الله
مسمعت كلشي شلون عله

مو يمي والد حتى انخاه
هيچ بأمان تعيش وياه
هنيالهه الموجود ابوهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يا دنيا ليش شبيچ وياي
بالراح ضيم ودمعه بالجاي
جبت الحياة بطرگ الهموم
بس هو چان الفرحه ودواي

يا وسفه لا ما حسبت تبعدنه الايام
والچنت انام بشبگته جوى الثرى ينام
يا لحظة فراگ الابو تنعد بالاعوام
هسه اعرفت من تنكسر معذوره الايتام

الماعنده والد وجهه خالي
يا لوعتي ورايح دلالي

يا بويه مثلك وين نلگاه
هيچ بامان تعيش وياه
هنيالهه الموجود ابوهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


گلبي انكسر من ودعيتك
يا بويه يلعايف ثنيتك
ياهو اليطب للدار بجفاك
بيتك گلب مو گبر بيتك

شديت گلبي بضلعي لكن بويه ما فاد
تتركني رايح للگبر تحت الرمل غاد
تاخذني يمك مو گلت واللمه تنعاد
لكن تفرقنه شعجب يا ضيم البعاد

لا يمي لا مرو واجوني
متشوفهم شلي بعيوني

جوه التراب العشت بحماه
هيچ بامان تعيش وياه
هنيالهه الموجود ابوهه

لخادم الحسين / رعد الفريجي