وينه يوسف ؟ | - حسين فيصل - | محـرم 1441 هــ بواسطة ❀ ♬ Ashk في 2019/8/29 (منذ 5 سنوات) تنزيل (11.4 MB) رابط قصيرg+ftاغلاق
المزيد من المقاطع بواسطة ❀ ♬ Ashk
بالحلم شفت الخيام ابتلعت اخيام
خل يفسر رؤيتي
شبيها طاحت خيمتي
وينه يوسف خل يجي يفسرلي الاحلام
بالحلم شفت الكواكب كلها محنيه
والتسكـت باليتامه امبينه علويه
هالمره الـ عالتله صعدت گلي ياهيه
انه ماشفت ابحياتي دنيه مسبيه
انه مو اضغاث حلمي هوه لحظات
انه صدقت رؤيتي وراح ابني خيمات
وهيه تشبه صورتي
شبيها طاحت خيمتي
وينه يوسف خل يجي يفسرلي الاحلام
وچني اشوف الحنه يبست وانه منذهله
صحت يمكن عرس جاسم رايح انأجله
ذيج ياهيه الـ بالمخيم حظنت البدله
يمكن التصفك بديها اعله الولد رمله
چن اشوف ابدمه متلطخه النوارس
واعله جاسم تنشد اشموع العرايس
رمله صاحت هيبتي
شبيها طاحت خيمتي
وينه يوسف خل يجي يفسرلي الاحلام
وچني اشوفن طير ضامي النبله ذابحته
والرباب انظر عليها ابـهمها شابگته
بالگماط الخيل تسحل وين ماخذته
چم دللول العفتها اعله المهد ميته
شنهو تفسير الحلم شنهو الدللول
وذاكه الگماط المن الساحگته الخيول
بگلبي تسعر جمرتي
شبيها طاحت خيمتي
وينه يوسف خل يجي يفسرلي الاحلام
وعالسمه اتعجبت مدري اشبيها تتفطر
رؤيتي لازم يعالم هسه تتفسر
بالحلم انظر محمد يركض ويعثر
ثاري ذاكه الـ بالصحاري يمكن الاكبر
وانه من هذا الحلم گمت اقره آيات
چنها قربت كربله وهاي العلامات
حاله صارت حالتي
شبيها طاحت خيمتي
وينه يوسف خل يجي يفسرلي الاحلام
وچنه شح الماي بالطف والارض جفت
والقحط حل بالمخيم والسمه انگلبت
گلي چم عين اعله يوسف بالخيم نشدت
چني بالاطفال ورده من العطش ذبلت
انچان يوسف حل عجافه ابحنطه ياناس
رايح ايام العجاف ايحلها عباس
هوه يوسف دنيتي
شبيها طاحت خيمتي
وينه يوسف خل يجي يفسرلي الاحلام
چني اشوفن مصحف الله اعله الرمح عالي
وآية التطهير چنـه ابصوته يقرالي
صورته وهيبة جماله انطبعت ابالي
حته مثل حسين اسمه يشبه الغالي
هيچي مامرني حلم كل هاي السنين
خاف هذا الـ عالرمح يايوسف حسـين
استغربت من نومتي
شبيها طاحت خيمتي
وينه يوسف خل يجي يفسرلي الاحلام
__________________________
كلمات الشاعر : تحسين الخفاجي