انتظرتك دمعة دمعة ولحظة لحظة وساعة ساعة
اتأخرت كلش عليه وگلــبي اعلن عن ضيـــاعة..!
صار كولشي بلايه معنى حتى لو باچر تجيني
توكلت بالله وعذرتك وأنتهى البينك وبيني
قررت رحال اصير وديرة تاخذني على ديرة
مااريدك ارد اضيع بهاي گاع الله الچـبيرة
سافرت والموج عالي والبحر مليانة عينة
توسلت بالغيم يمطر بلكت يغرگ السفينة
طالع وغصبا عليه مسافر الماادري وين....!!!
كل البالي ارد اخلص من تعب هاي السنين
عندي واهس جاي اخسرك
وانتهت وياك قصتي
ليش لاحگني بمنامي ومستغل بيه صفنتي
أشمرني مو شمرة عصى وبعدني عنك..!!!
اني جاي اخسر حياتي وكله منك
روووح وادري انت الهوى وماارد اشمك
رووح يالما الگه روحي اله يمك
روح وانا ارجف دمع لو گالوا اسمك
والله مو سهلة واگلك روح واعرف بيها أذية
چن شمس وتصارع من الموت وگت المغربية
خووفي لو لا سامح الله ترجع وعيني تشوفك
انت تدري من تجيني بلا كلام اعذر ظروفك
لهالسبب مااريد اشوفك...!!!!!
كلمات والقاء المبدع ملا علي الدلفي
تدويني: بـــراءة
رد مع اقتباس
المشاركة الأصلية كتبت بواسطة المتوكل علي
