انا شفت الكحل نهرين فوگ الخد
منو بچاك ؟
زعلت البنفسج
والزعل راضاك
ياهو وياك !؟
من غثك ؟
منو حاجاك ؟
اموت انا من أشوفن فيّ ورد وآزاك
ليش مغيّر وياية
هلك لو ناس
لو واحد عليّ وصاك
عمي عليك انا موصّي الصميدة
بس تعال هناك
بس خلّيني أشوفك غربتي بلياك
يالمايل على روحك غَنج
ونعسان من كثر الحلى
يا أطرى من قِداحة ترفة مبللة
والله انا خايف من عيونك
على عيونك يعيني مدللة
شهالبعد مو جبنا سادة وگعدوا الصبة
وعچدنا راية العباس
وانطشت هلال للرضا
وكلمن رجع فرحان
ياروح الهلا
چا ليش هيج تمرّ عليَّ بغيض
ماتقبل اجي اتلگاك
انا خايف على ظلّك يتعب على الگاع
خليني اشيله بروحي
وأمشي وياك
وعلى البعد وبهيدة ومتدري أنت
ابوسن شامة الرگبة
وأموت هناك
رد مع اقتباس
المشاركة الأصلية كتبت بواسطة Haidar Iraq
