هنا

[فقار الكرخي]

مرايتنه يمكن شيبت
مدري عمرنه الوله

من ياكتر فاتن صدك
عشريني بيهن خله

جنهن اثمانين التعب
ماشفت بيهن سهله


حطيت روحي دوه
وحطوني وسط العله

ومچانهم جوه بالگلب
وهذا مكان الذله

ضحيت بسنين العمر
اتمنئ العمر أرجعله

ضاعت أحلامي بدرب
ضاعن بوكت بلحله

اليلگاهن عليهن دمع
ياخذهن محلل اله

بيهن أمنية عرس
بيهن منيه بدله.

هوايه بيه الحجي
خلي الحجي يوصله

وجوه مليت شكثر
وجهه ابد مامله

خلك تكول تغيرت
والشكل صاير أحله

هنيال كون اتغيرت
وسمع تكول احسله

تفور سكته وتحترك
ياروحً مثل الدله

ظنيت أدنك ونحني
بس ربك مدنكله

ماساوم وياكم بعد
بين الكرامة وذله








م

[أستثنـآئيـّةة❤️]

رائع جدا

[Haidar Iraq]

حلو ..
شكراً لك ..