اول مرة احس نفسي غريب بعين تعرفني
اول مرة احس نفسي غريب بعين تعرفني
وينك انت
عيوني مابيهن بعد ينتظرن اكثر
حتى هاي الگمرة بعدك
مو نفسها ؟
( ليله ليله گبالي تزغر )
ردلي يا واهس سنيني
الخلصتهن ريت اشوفه
ردلي يا اول بنادم مشتهي شلون المراقد كون اطوفه
ضمضميتك بالصراير حاجه زينه وما لگيتك
ليش ؟
مو چنت انه بيتك !!
.
الدنيه تحله بجيتج ياعيني
من اشوفج ترد بيه سنيني
ارد احلفج بالعراق
وعقد وياج اتفاق
ما اعوفج وانتي لتعوفيني
تعال وياي نصعد غيم
نتعاكد حمل وزنود
نتعاكد شرب وحدود
ونطيح على طرف الكاع
طيحت مطر متعافي
عيونكم ..
مفتاح روحي ،
تشوفني من غير غش
وكَلي..وليا حد نضل نطير ؟
بدروب السمه من غير عش
ماكو شجره ؟
نحط عليها..نسولف شويه ونطش !!
درت عمري وانته ما دايرلي بال
جا شسوي بداعت اجروحي افتهم
انه اضملك من سهم عمري سنين
وانته بكليبي تحط ميه سهم
مو بكيفي وداعتك كلبي اشتهاك
بكيف الي يلزمه يضل يحجي القلم
يخيعونة الخلص من دنيتة ومات
حسين الحبتري
آنه خايف لا يجي باچر
و أطوف بذكرياتك و أغرگ
و ما الگه چفك .
إن قدر الله غير اضمك و انسيك
ذيك الليالِ اللي شكينا سهرها
من تلهي روحك خاف تذكرهُم
تلگه بكل تفاصيلك أثر منهُم
أزدحامات الشوآرع بيها ريحتهُم .