علي الدلفي يختصر قصة حياته بقصيدة..!!!
.
سألني وهو يعرف بيه كلش الزين
من يامنطقة ويابيت ياشارع
حسبالة انكر اصلي الما عرف معناي
گتله اوگف واسمعك خاف مو سامع
شروگي وبالمدينة انولد دمي الحار
إبن عوز وكرامة وعلى الزلم طالع
أمي التلبس اسود من يموت الطير
وابوي يذب غترته الليلة السابع
واذا عن الوطن والفزعة عد عيناك
من الحرب ليهسة اخوي ماراجع
شحچيلك بعد عن ذكرياتي تريد
عن اليحچي عني عن اليدافع
انة الضايع بصغره بسوگ بسطيات
آنة الأمنوني يم ابو الجامع
أنة الصاحوا باسمة بصوت نص ليل
ياهل الناس منو عنده ولد ضايع
أنة اليعثر اذا يسمع خبر مو زين.
وهاي سنين لا واگف ولا واگع
وسألني انوب واحتاريت سكتني
گالي بالحلم شتفسر البايع
حلمان ويدور للحلم تفسير
وأنة محتاج من يفسر الواقع
بطران ويدور للحلم تفسير
وأنة محتاج من يفسر الواقع
كلمات: علي الدلفي
اداء: علي الــدلفي
تدوين: بــراءة
كلمات: علي الدلفي
رد مع اقتباس
