هنا

[فقار الكرخي]

بعض التعاريف ..

الوطن ..

الوطن لمن اشوفك گمره ومتاع وغصن

الوطن من تغفه عينك بس البگلبگ يِحِن !


البنفسج ..

كل درب خمره عله زيجك

البنفسج .. من اشوفك چرچرف وفارش نشوته

وكلشي بيه يصيح اريدك


عيونك ..

مرايتي الفوگاهه نفنوش الحرير يمد

غطاه الليل وتخضر فجر

عيونك تردلي عمر !

حظنك ..

ياصليب الله وثلج فوگ الصحاري شگد اريدك

يادفه الزنجيل يم صدر الحديثه هواي احب كلمة حبيبك

خصرك ..

محبس الشجره ورگ

وانت گشاية عشوش .. تميل لو طگگ هوه

حُبَك ..

برزخي .. المفروش خمره .. وتين صافي .. وفرط رمان عله صدرك

لبي المسلس يحط روحه عله نحرك

الضَوء ..

تبزخ الگمريه لون تفتح قميصك ..

ويبدي يتهدل نِده الله

وتِسكَر طيور الفناجس







م

[Haidar Iraq]

شكراً لك ع النقل ..
​

[أستثنـآئيـّةة❤️]

يسلموو فقار