يوميه ضلع كاسرلي ملك الموت
يوميه ضلع كاسرلي ملك الموت
هسه انكسر ضهري وقلت الحيله
كلش قفلت دنياي صارت ليل
بعد لو جار وكتي ياهو الاشكيله
يربي شبيك وي ربعي طحت حيل
هذوله بكل حرب تعرفهم الجيله
بيهم جان راسي ويه النجم مرفوع
اخوتي الراحو يعدلوها للميله
تعوفوني شعجب وتشمتون اعداي
وانه وياكم جنت كالكمر والليله
يغم الموت ياخذ وينه وينه الزين
زلم راحولي جانو ضلع بالعيله
هسه ارتاح كلبك حجي عزرائيل
شنو وكفت عليهم جنته دخيله
يمردون الكلب خواني من يرحون
بعمر ورده ويسلم للقدر حيله
فقار الكرخي
الله يرحمهم ..تعور الكلب
الله يرحمهم
ترأف بنا حين تكتب ، حين تبكي بهذهِ الطريقة !
لروحك برد اليقين صديقي
جميل مانثرت رغم ماحمل من الم
في قصائدك حفنة ملح وسحة دمع وانا اعتبرها امتداد للشعر الشعبي العراقي الأصيل
اذهب الله عنك الشجون شاعرنا الكرخي وأجبر خاطرك
اشكركم منورين
ممتن منكم
الله ..جميلة بمعنى الألم كله
سلمت يداك اخي
الله جميلة جداً
عشت فقار
دمت رائعا ومتفنن وكبير
جبي وتقديري
رد مع اقتباس