هنا

[فقار الكرخي]

عشرتنه دموع شكد ترفه
وسيسه بكحلت كل سمره
لو موتن وصي يدفنوني
موش بعيد _ بجرف العشره

[صباح السراي]

بعدني ذاك انا الما نسى الطيب
ولا باع الوفه وخان الصديج
اداريلك واسد اعذار
بس اعذارك صارن جروج
ويا جرح ادواي وكل جرح مسموم

[Haidar Iraq]

فقار رحمه على والديك صحح كلمة ( زهيرات ) ..
يعني .. دارميات .. قفشات .. ابوذيات .. ومضات .. وانوب زهيرات !!! زهيرات شنهي ..؟؟؟
خليهه ( زهيريات ) علمود يجن كلهن نفس القافيه ..

[فقار الكرخي]

فقار رحمه على والديك صحح كلمة ( زهيرات ) ..
يعني .. دارميات .. قفشات .. ابوذيات .. ومضات .. وانوب زهيرات !!! زهيرات شنهي ..؟؟؟
خليهه ( زهيريات ) علمود يجن كلهن نفس القافيه ..

مشكور حيدر
تم تعديلها

[فقار الكرخي]

عفتني وگمت اصوغ من الورد تابوت
بوجودك جنت اصوغ من الجفن ورده

رحت ظل صدري فارغ كلشي أخذته وياك
من ادگ ايدي اعله صدري لظهري تتعده ...

[فقار الكرخي]

هواي وادم
راحت وردت اجت
وإنتَ عمداً ما اجيت إتزورنه

جن ولا هي عيونه لجلك عمت
من تخالط عيدنه وعاشورنه

[فقار الكرخي]

انه كلي تناقض وانقسامات

وصراع وفوضويه وموجد وجد

بحيث انقسم شخصيتين وياك

اكرهك واليحبك يمي يكعد

[فقار الكرخي]

مليت كل مغرب يمر
تنباك من عندي شمس
واتبعها مدري بيا سمه
واتلاكة صدفة بليل امس
وينعاد طيفي المو حلم
نفس الجرح نفس الدرس
هو احنا لو حظنه نحس
لو ما نحس

[فقار الكرخي]

خل نسوي العشره ورقه
ونصنع من الضحكه والدمعه حبر ..
حته كل لحظه آلتمر بـ الجآي نگتبهآ شعر !
وخل نگول المآضي غلطه ..
وذنب يسجل ذنب من ينذگر

[فقار الكرخي]

گليبك حار واحنين
و چلماتك !
تخلي ادموعنه تبين ؛
ولك خليتنه يهزهز گلبنه الشوگ
و الوان الفرح صارت علينه تلوگ
وحزنه اصبح وهم ، يم شوفتك هين .