اكو واحد شايب ..
ايگول رحت للحنه مال ابن اخوي ..
ولگيتهه عالگه بالحنه .. ايگول اجاني ابن اخوي ( اخو العريس) .. گالي عمو صدگ چذب .. غير هاي الحنه مال ابن اخوك .. تعال ارگص اويانه اشويه ..
ايگول گتله .. ولك اني ويني وين الرگص ( چفيني شرك وروح ) ..
گالي عمو اشويه ارگص مو اهواي .. علمود التصوير .. وتبقى ذكرى ..
ايگول المدهور سوالي واهس .. گلت يله خليني اشويه انزل اهز الخلفيه علمود التصوير ..
ايگول اني شايف الوادم من ايرگصون بالتلفزيون ..
عود ردت اسوي مثلهم ..
بعدني بأول حركتين وأحس چيله ثارت ابظهري ..
( ظهري انشنَط ) مدري عصبه طگت ابظهري ..
المهم .. صحت عله ابن اخوي .. گتله تعال ولك منعول الوالدين اخذني للبيت ..
وصلت للبيت وگاموا ايدهنون ابظهري ..
ايگول اني بيني وبين نفسي اگول ..
بالله تالي عمري فرخ زعطوط يضحك عليه ..
ياحيف والله ..
ايگول المصيبه واحد من الفروخ ..سألني اشبيك بابا ..؟؟؟
گتله رگصت بالحنه وظهري انشنَط ..
ايگول الفرخ رَد عليه ..
حيل اوياك .. هو انت مال رگص ..
وينك وين الرگص ..
ايگول لا اگدر اگوم والزمه واطلع حرگتي بيه ..
ولا واحد ايجيبه اليه علمود اعضه بسنوني ..
رد مع اقتباس
المشاركة الأصلية كتبت بواسطة ПộR
