أعطش و أخلي الماي من عزتي يحير
بنص روحي لو طفين ما أدنگ البير!
أعطش و أخلي الماي من عزتي يحير
بنص روحي لو طفين ما أدنگ البير!
ولك گلبي حمامه هناك
من تمشي يطگ جنحه ويطير هناك..!!
يلمامش بعد سچه گضيت وياك
بس هو العمر ما ينگضي بلياك..!!
-علي الشباني
ها يگمرتنه وسمانه وشوگنه
يمته نتلاگه وعشگنه يگودنه
يمته يغفه علينه ونطش صوتنه
يمته نتوضه بحظنه .. ونترس الدنيه ابتسامه
إنتي من گد مابيضه كلش
ارد اصيرن بيچ شامه
شرجعج ليه وذكرتي شجابج ؟!
انه ذاك الچان كلش حابچ
وانه ذاك الاعتنه لشوفة ضواچ
وانتي ذيج العايفتني إبابچ
صح قريبه عيونج واگدر اجيج
شما ردت انسه الصار .. اذكره
من اريد اگبل عليچ
هسه لو باقين چان احله حمام
كلشي صار وداعتج بيه من اديچ
انتظرنه وليلنه الگال شتنطرون
نسوهه عيونكم وانتم تذكرون
گلنه الراحو بلا ملگه ووداع
گلهم ذوله اهلكم مايخونون
يل ما وصل منكم خبر
ناسينه تتذكرونه ؟!
تحنون للعشره الگضت
تميزون ضحك إعيونه
تسالون عنه بيا كتر
تگولون هسه إشلونّه
لو ملتهين ومايمر
أبالكم موضوعنه
انــوب التايهات تچمل بـعمري
واخاف يزيد.. "
العمـر ركضة بحلم ما ادري وين
يريد .."
بأخر ليله تتلگة. العتب نعسان
ترة انة مضحي مو خسران
ولابد يجي يوم وانة الـ اتغير
وبعد مثل الضرف راسي اعلة صدري ينام
والولي لروحي ما احتاجلك تسهر .
لاتحبونا لشكلنا
ركزو بينا
عدنا روح أطفال تلعب
(تُكِي) بدروب المدينة
ركزو بينا
من گلبنا من نسولف
والحمام يحط علينا
باجر تموت المحطه ومحّد ايغنّي بغربتك
باجر يصير العشگ ذمّه برگبتك
توصل لباب الصدگ وبروحي اجذبك
گمت من گد الحزن
ماعرف احبّك
وسام سباهي