لا اموت من فرگتك ولا اعيش من دونك !
لا اموت من فرگتك ولا اعيش من دونك !
أجيتك و العتب بالعين عتب عاشگ بـ حنيه .
هسه احنه فوگ العشگ
سَــمـيني مَــجـنــونـك
ماريد احبك مثل ،
غيري اليحبونك..
لا.. كون اطب ريّتك..
واتخالط اويه الهوه..
واتـــكـاسر بـــلـونــك
ملگاك كله سهل سولفلي بعيونك
قلق نومَـة عيون الذيب
ومخازر عيون البوم
شجاج وهَــسة صارن بـيـچ
يَ ام عيون نعسانه ؟
--------
يطلع يريد يروح ينذب وراه ماي
واني اذب الروح من يطلع اهواي
هلي اسف
كبرت بلاية ماگلكم
هلي ومو قصدي اتعبكم
مشت بية السنين ابساع
مشيّ الجذب بالوادم
وخذت مني الليالي هواي
گد ما من صدگ نادم
هلي وبس اسمي ضللكم
من شافوني اضحك بالچذب
كالو عليه تعافه
مخفي الحزن جوة الگلب!
همزين محد شافه
طابن مايطيبن مااهتم الهن
انا ادواهن عرفته بحلك منجلهن
انا جروحي سنابل والوكت فلاح
حصدهن
داس بيهن
كام غربلهن
اخذت الصافي منهن
للسلف طبيت
مترهي على ربعي بزود شايلهن
سألوني الربع مابينت
غطيت
وانا اعرف بالنشدني يريد يلجمهن
وازوني بسوالف عدي مدفونات
وحجيت بكل وكاحه المامسولفهن
حچي مدثر بصدري وما اگولة،
مرات الوجع مو لچمة ، سولة..
ڪلّشي چذبة ، الدنيا والنّاس وضحكتي ..
