يحركَ بروحه اعلموديش البخور
لا تسولف ع الملح يم اليخون
الكاوليه الشرف مايعنيلها
تقدر المحبس الشذره وما تطيح
الوادم الوياك تبجي ابجيلها
طلع صيت السفن لمن عله الروج
الساعه ماتنعرف لوما ميلها
شال ضيمه لوحده معدل الناي
النخل ماينتخي عثوكَه يشيلها
يحركَ بروحه اعلموديش البخور
الماتجازي التعب لاتنطيلها
يوم واحد عاشت الشمعه وتموت
الماهي كَد الفزعه لاتمشيلها
الحاسب احسابه ظهر وتشوفه سيف
بله شتحطلها شتخليلها
عمرك من يطول خي قل الكلام
البيها مستقبل تشوف ابنيلها
حته لو فكَ حلكَه الاخرس مايصيح
شنهي الموازيه الموكَد حيلها
وموش كلمن طاح مامدله ايد
امك من اطيح نعمه وشيلها
سالم هاشم
رد مع اقتباس
