...
تسألني منو.. والله أستحق ردك
انه الماشفت خير وراحه من بعدك
انه الماقدرت حبك وكتلك روح
وبحجه ظروف تعمدت صدك
سمعتك كلام المايقبله انسان
شلون تحملتني شكد صبر عندك
على كلشي انتقدتك جنت قاسي وياك
منك ابيش أحسن خاطر انتقدك
دحجيلك حجايه اجرحني مره وروح
حتى اقفل عليها وتنحسب ضدك
ليش وياي ساكت انت طبعك نار
من تكون نايم فنه اليكعدك
وتبعد واعدتني وجنت عد وعدك
بس تعرف شنو بكل ثانيه أفتقدك
ابيض جان كلبك مشتريني بروح
من دكول أحب دكولها بجلدك
بأحساسك العالي يدوخ البسدك
وبرقه كلامك تنفرد وحدك
صحاني البعد وبقيمتك حسيت
تريد الصدك محد حابني بكدك
شكد مرو عليه من قارنتهم بيك
حتى الكال احبك حاول يقلدك
تذكر من كلتلي الفرصه مره تصير
توني استوعبتها وحللت قصدك
يافرصه حياتي البعد ماتنعاد
رايح للأبد لو كلبك يردك
رد مع اقتباس
المشاركة الأصلية كتبت بواسطة علي الواسطي
