هاي الك چم مره تگصي وارجع بحنيتي أحبك !
ليش من دگ گلبك لغيري تبعته
وما جست حزني ولهفتي !
ليش ضيعت الحنين .. الچلب بروح الرسايل
وانتشت بعدك غُربتي ..!
ليش ما گلبگ رجفلي .. وطاح بيه ؟!
شلون رُهمَت ضحكتك تنزف عروس لغيري
وانه اسگيهه ماي !
يا نهر حط طينك بجيبه ومشه !؟
وانت التدري الليل مايعرف يضم الصاير بروح النجوم !
وانت مفضوح عله نجمه !
صوچ گلبي .. اليركض عله العنده لچمه
وانت خاين .. !
هاي الك چم مره تگصي وارجع بحنيتي أحبك !
هسه مزگت الرسايل .. والصور .. والمواعيد الچذب مابيهه لهفه
هسه زفيتك انه .. ابيبان بيبان الهوه .. عله النهر ورگه
هسه كلشي بروحي ناويهه عله فرگه
عبدالله العبدلي
رد مع اقتباس
