من ايدي لعيوني ارد الوحك
من ايدي لعيوني ارد الوحك والنفس طشّني بعذر هل فات وكتة
ولا جهبت فصال روحي!
خامة دموعي غريبة، وچي عذرتك سلّمتني لغير واهس
ياما حشّمت الشمس تكطف نهاري لغير ديرة
چنت اگول السكتة تندهني واصيحك صيحة الحنطة اعل طيرة
وانت انت
نبضة اغنيتي التخاف تضوگ صوتي
گبر مارايدني اجيسة وعاش موتي
اهنا يجمّار العتب بيّس بعيني وكاسر بدربي اعل دربك
اهنا يصبّير الهلا المابيك لزمة،
فوگ من تلّ الثلج ضمّيت دمعي وهم بچيتك
كونك املاگي الوطن بظنون غربة
اقره اسمي وسولف حروفي بهويتك
امجّيم الگاع بكبرها ومن ترد احرگ طريجك خاف تتشه السفر وتضيع نيتك.
شنهي اتسمّة حنين لغير وادم وآنة مالمّيت گلبي
شنهي اشوفك بالحلم روجة خريف وواگف بعينك ثمر محصود عمرة وماهو تعبي.
شنهي اعبدك وانت ما تستاهل ايسمّوك ربّي.
ياطمع لذة زمانك
ياغلب دنيا بحنانك
ياجوادر ماي فاتحتك مطرمن؟
آنة المبلل گبل ماشوف موتك
عباس الغالبي
رد مع اقتباس
