عنايتي بالبشرة بالعيد
مرحبا لكُـل الدُرر
كُـل عام وانتو بخير وينعاد عليكم بالصحة والعافية يارب
روتيني للعناية بـ بشرتي بالعيد
اكيد اني ع طول اعتني بشرتي
طبعاً الماسكات تختلف حسب نوعية البشرة اني بشرتي دهنية ولهذا اخذ شغلات تخص البشرة الدهنية
نجي ع أول شي يكون وجهنا نظيف وخالي من اي اثار مكياج ونشغل جهاز البخار ويا شريحة ليمون او اي عشبة او عطر ونغطي وجهنا بمنشفة لمدة من 10 لـ15 دقيقة والي ماعدهم جهاز بخار تگدرون انتو تسوون عادي بالبيت
وهذا جهاز البخار الي استخدمة
نجي ع ثاني شي بعد مكملنا من البخار نستخدم السنارة مال وجه خاصة بالرؤوس السوداء ونبدي انظف الأماكن الي تتواجد بيها الرؤوس السوداء
هاي السنارة
نجي ع ثالث شي بعد السنارة الي هو السكراب نبدي نخلي ع وجهنا ونظل نفرك بي ع كيف وبحركات دائرية لحد ميختفي السكراب من وجهنا ونغسلة فقط بمي
هاي نوعية السكراب الي استخدمة
رابعاً
استخدمت مقشر بالبرتقال هو ويا قرص فـ خليت كمية مناسبة من المقشر ع القرص وبدي بحركات دائرية لمدة 3 دقايق وبعد مكملت غسلت وجهي بالمي فقط
خامساً
الماسك الوردي يجنن يخلي البشرة وردية ويا محلاها ناعمة بعد منكمل من المقشر أنخلي مدة 5 دقايق وهم بس بمي نغسلة
سادساً
قناع الذهب اخلي لحد مينشف تماماً وبعدها اشيلة مرة وحدة واغسلة بغسول او صابونة اني استخدم غسول كلين كلير للبشرة الدهنية
واخر خطوة هي الترطيب
اني نظفت بشرتي بليل ولهذا استخدمت مرطب بالذهب انتوا استخدمو مرطبكم المفضل
وخلصنا
رد مع اقتباس
