حاچيني مو فص عيني ذاب من اجفاك
كلشي البعيني وي الدمع يتبدّه
تتوارد وي الببغاء الحيطان
بالصدى كلما تحچي تبقه تردّه
حاچيني مو فص عيني ذاب من اجفاك
كلشي البعيني وي الدمع يتبدّه
تتوارد وي الببغاء الحيطان
بالصدى كلما تحچي تبقه تردّه
يالطوّل فراگك طال جرحي عليك
يالچنّك هوه محتاجتك ريّه
النوگ استحت منّي بكثر ما حنّيت
تعال وشوف حالي شبيه ما بيه
الضلام البيه حتى الليل ما يلگاه
كافي تمر عمه لحزني
أنا بعالم بياض عيون
بس يعگوب يندلني
لاهي الناس تفهمني
ولا بيه احچي البگلبي
صرت عگبك حضن تابوت
مثل اخرس غرگ بالماي
لا يگدر يصيح الناس
ولا بالماي يطلع صوت
العاجر عوزها بس هزة الكاروك
كون احذاك انام وحضنك بحضني
العطش يگصر يطول اليصح بس الماي
شو گامن طيوفك ما يمرّني
كون اشوفك وحچي كلشي
فقط بس حچايه اضمها
چنت اگلك بعد حيلي
وهسه ما ظل بيه حيل
چم تعال تصيح وانت ولا اجيتك
يالبعت روحك سمه انساها النسيتك
آنه اشبر فوگ من سعر الهوه
اطيت وشريتك
آخ لو ذكرك بليل
كلشي يتراوالي ذكرك
سيوف ورماح
وتدوس بصدري خيل
وانت تدري بطبعي
ماحب الفراگ
كلشي يتغير بروحي
من يمر عليه ريل
انت لو ماشي ويه غربة
تهون هاي وموش صعبة
بس شماتة الإجو من عندي خذوك
آنه كل عمري ولا فكّرت ابيعك
والرحت وياهم شلون اشتروك
وين شافوك وخذوك
شنهي گتلهم بگلبه
وفتّشو گلبي ولگوك ؟!
وين ادورك
يا خرز نمنم بخورة ماي ضايع
وين ادورك
فطّرت گلبي غصن ما جاس حلمه
فطّرت جدمي ومچانك
وين ادورك