أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيرات ✾ ..،
لنخصص هذا الركن لمانحبه من ومضة قفشات شعرية .. أي حديث شئ يتعلق بالشعر الشعبي
..بأنتظار مشاركاتكم
.... بعد تجاوز العدد السابق للمشاركات المقرره لهُ . نفتتح الجزء « 63 »
اسمعونا ذائقتكم بـ انتظار كل ماهو جميل منكم
الأشعار تجدونها في الردود
شكرا هيڤين
افتتاح موفق
الخنگه من تشتاگ تبچي والشماته محاوطينك
افتتاح موفق
افتتاح موفق
كون كل المدن تشبه لون عينج؟......
ما أمل من السفر
انا مو من طيف أجيتج
انا جاي من المطر!
جاي من أحلام نهران العراق
صوتي شبگت خرزه بالسبحة لخرزها
وعمري وردة بگاع ،وشوية گمر...
دصد عينك
شفت حزني..؟
أنه عيوني
سهر حراس
ماغمض جفنها بليل
أنه اسكت ؟
لشك الزيج وأتهدّل وأردس فوك نار الشوظ
وبلسعاته اتشچل ، وبمنجل أبضع العين
اخافن من سهرها تمل !
أصليلك ترد لي أثنين ؟
أشوفنك ضوة بيا عين ؟
عين الدمع عين الدم
عين المابچت مرتين ، وأصليلك
تُمر بيه ضوه بيا حدْ ؟
حد الجز ، حد المدْ حد الما وصل للحد
يامجرى الشمس گّلي ضواك شگد
أخذ من روحي گطرة ظيم
تطفي شما ضواك أمتْدّ
عشكتك عالسوالف حيل بله شلون اذا شفتك
