على الراحو و اظنهم مايردون
شعجب يرضون هيج نضل وحدنه
مو منريد هي الدنيا متريد
لو يمكن اظن احنا انحسدنه
على الناس البقو من بعده يقرون
دمع عيني اليگللهم بعدنه
چم شامت ينام اليوم فرحان
وچم مصباح باگو من صبحنه
عساها بخته كلمن حرك بكفاي
يوصل يمي يحلف ماقصدنه
وصلوله الرحل كلوله مرتاح
كلوله العفت باقي يذكره
واذا مره سمع طاريه فز حيل
چن خيال ضاعت منه مهره
چن مسكين يدك ظهريه بيبان
ياهو الي يشوفه يكله بره
الله يكون بعونه البينه ينعاف
للكاضيها يبچي بصدره حسره
للكاظيها عايش حتى يشتاك
للذبلان بس جروحه خضره
حمار غروب بعيوني من الدموع
ويسألوني واكلهم هيه حمره
كتله اسمعني ، بس رد خاطري بـ لا
ومثل خاتم تركني بلايه شذره
وحق حبه الملاني جروح مطشره
وحق كل ركعه صليتها بكدره
اضم مرورته التكتل بعد اكثر
ولا اكله ولا احاچيه حد ماهوه يذكر
صح افراكه حيل ياذي موات
وصح الدنيا بعده تضلها مره
اعوفه براحته واقنعني معذور
مو حلوه اليحبك من تجبره
زهراء عباس
رد مع اقتباس
المشاركة الأصلية كتبت بواسطة ☆Abbas ALiraqi☆
