استايل هدوم رجل برج الجوزاء
متحدث جيد ولبق جدا وشخصيته ودودة بيتعرف على الناس بسرعة، حيوي ونشيط وفي حالة حركة مستمرة سواء على مستوى العقل او الجسم، مغامر وبيحب يدور على الخبرات الجديدة والمختلفة، بيحب السفر ومقابلة الناس الجديدة، رجل برج الجوزاء سريع التكيف مع الظروف المتغيرة عشان كده معندهوش مشكلة مع التغير وبيستمتع بيه، وده بيديلة صفة تانية انه سريع الملل وبيزهق بسرعة عشان كده بيقدر يغير علاقاته وشغله ومكان سكنه بسرعة ويتكيف مع التغيير ده بسهولة كبيرة، اما من ناحية المظهر فهو بيعرف ازاي يحافظ على المظهر الشبابي مهما كان سنه فهو بيعرف ازاي يظهر اصغر من الحقيقة، وكل الصفات دي بتميز استايل هدوم رجل برج الجوزاء
محترف في التنويع ودمج الاستايلات
طبيعة شخصيته اللي فيها شوية تناقض وتقلب في المزاج بتنطبع على طريقة لبس رجل برج الجوزاء بتخليه عارف ازاي يلبس استايلين مختلفين مع بعض بطريقة انيقة وجذابة عشان كده دايما دولابه عبارة عن سمارت كاجوال او سيمي فورمال لكن مافيش استايل واضح كاجوال على طول او فورمال على طول، وده كمان بيبان على اختياره للهدوم المشجرة والمقلمة والمطبوعة برسومات مختلفة، اما الحاجة الواضحة الوحيدة في استايله فهي الالوان عشان رجل برج الجوزاء بيهرب من درجات اللون ويروح للدرجة الصريحة يعني يختار الاخضر بدل الباستاج والازرق بدل اللبني وهكذا,.
استايل هدوم رجل برج الجوزاء
استايله في البنطلونات
رجل برج الجوزاء عنده مجموعة كبيرة من البنطلونات مختلفة الالوان والموديلات، ومعندهوش اي مشكلة في تجربة الاستايلات الجديدة في البنطلونات ممكن يلبس الجينز المقطع او الكاكي القصير شوية او السليم فيت او الفورمال الايطالي وغير الموديل كمان مافيش حواجز من ناحية الالوان يعني الجينز بدرجاته والكاكي والزيتي والاسود والابيض والرمادي والكحلي غير كمان البنطلونات القماش الكلاسيكية عشان المناسبات الخاصة او الشغل.
استايل هدوم رجل برج الجوزاء
اختياراته في الفورمال
حب رجل برج الجوزاء للروح الشبابية والمظهر الحيوي بيخليه مش من هواه لبس البدل الرسمية اوي عشان كده لما بيضطر يلبس بدلة بيختارها من الموديلات السوبر سليم او اللي لها جاكيت قصير، بالاضافة طبعا لحبة لخلط الاستايلات اللي بيخليه يختار البدلة الفورمال مع تي شيرت بدل القميص او لو لبس قميص ممكن يكون مقلم وفي حالة انه لازم يعتمد مظهر رسمي جدا بيلبس معاها كرافت ملونة وشيك المهم انه بيهرب من المظهر الرسمي الواضح بأي شكل ومن المميز في رجل برج الجوزاء هو حبه للكرافتات والوانها.
استايل هدوم رجل برج الجوزاء
استايله الكاجوال
رجل برج الجوزاء بيحب التنوع وبيزهق بسرعة من تكرار نفس الاستايل عشان كده هو مش من هواة لبس التي شيرت السادة والبنطلون الجينز لكنه بيفضل يحط لمساته الخاصة في استايل الكاجوال بتاعة، يعني ممكن يلبس التي شيرت المطبوع برسومات او كلمات ملونة ولو حيجتار قطعة للتتقيل بيختار الفيست او الكارديجان الخفيف مش بيفضل البالطو او السويتر، وممكن يختار القميص في لبس الكاجوال مش بيعتمد على التي شيرت وبس لكنه بيدخل كمان استايلات من القمصان المقلمة او المطبوعة.
استايل هدوم رجل برج الجوزاء
الاحذية
اختيارات رجل برج الجوزاء في الشوزات متميزة جدا عشان هو بيتجرأ على لبس الالوان يعني ممكن يلبس سنيكر او كوتشي ملون، اما الحاجة اللي دايما بيحطها في اعتباره وهو بيختارالشوز بتاعه انه يكون شوز خفيف وشكله مريح مش بيحب الاحذية الضخمة ابدا بالرغم من انه بيجب شكل البووتس الا انه بيكره التقيل منها او اللي له نعل ضخم، وعشان كده بيفضل السنيكرز عن الكوتشي الرياضي، وبالنسبة له الشراب من نفس اهميه الشوز عشان كده بيركز مع الوان الشراب وينسقها مع لون الشوز ولون البنطلون كمان، وممكن يلبس البترولي ودرجات الهافان والرمادي غير الاسود طبعا.
استايل هدوم رجل برج الجوزاء
من المعروف طبعا ان اللبس بالذات من الحاجات اللي بتخضع للاذواق الشخصية والعادات وشكل الجسم وغيرها كتير من الاعتبارات لكن دي بشكل عام كانت السمات العامة اللي بتميز استايل هدوم رجل برج الجوزاء
رد مع اقتباس