هنا

[فقار الكرخي]

(أخر العنگود)

برصاصة بلاظرف وبلاعناوين
زتونه أعله متن الموت خشبة بچف دعاة الدين
ومشينا وراها وبرد بينه الطين
ها يادين
ترضاها اليموت أعله التراب يضيع كومة طين
ترضاها أعله چلمة نطيح ونغرب گبل تشرين
يادين الجثث بسك
ولك بسك جثث يادين
ماكافي شبعد والمن
وليش نفيض لو عطشت دمه التربة
يلاهي الگاع للعشاگ
بس احنا عشگنه... ومشت للغربة
هذول أحنا ضوه بفانوس ساجد والهوه يصلبه
ومامش للدمع شفه نطيح وغيرنه يشربه
دمع فقره أعله كلشي نطيح مانخجل
لابينه غصن ذبلان ونكسره
ولابطل يعت بحلامنا المنجل
وباعونا بمزاد الله حطب مبتل
حطب أخضر يوج بساع !
وگالوا يحصد فياي اليطش عمره نذر للكاع
بس من رخص دمنه انباع
باعونا بمزار وعلگونه نذور
وأحنا ضماد گاع لكل شرارة نثور
مانغلى،، دمه الشبان ماي أحمر بسرعة يبور
مانغلى،، وحقك يارفات الدين
من متنه دعُاتك ساومونه نحور
ومن ترخص شمسنه يبيعنه التنور
باعونا وشرو تيجانهم بينه
ماكافي الوجوه الراوية بلا حيف
تشربنا وترد يم ناسنا الخاوين تبجينه
حاجينه يرب الموت حاجينه
ليش بـ أخر العنگود غصينه .!









حسن قاسم

[،،،،،،،،،]

شكرا جزيلاا

[فـرح]

شكراً الك

[أستثنـآئيـّةة❤️]

يسلموو فقار