خل تروح فدوه لضحكتج هيه
وليش بكل سواليف الگمر ..الگاج .. واتشلبه بجسر ليلي
واظل اتعلعل بطرواچ
واهد دموعي..واتمرجح سوالف وين ؟ ..يمته الگاج؟
يــ انتي شگد الج بيه
واذا هجرج اكل عافيتي .. خل تروح فدوه لضحكتج هيه
وبعيده ..وبس اكول اسمج..احسج نايمه بعيني
واتمدد دمع مفطوم .. اناغيه ويناغيني
واچلب بالوهم كلش..لحد ماصير يم الليل چن جنطه
واتيه بين ممشه جدام گلبي بلايه حس سنطه
واحن اردود
واشوف بريتي يتمرجح حبل دخان
ويم اسمي صعدلي الدود
خل نعود
يبنيه ..
الزلف ينعاب لو متگوده ترچيه
وحته شطوط فركانه..بيهه اطفال تتملعب..وكسرو عين كل ميه
تعالي وياي
يسالفتي..من اسولف بيج .. يتخردل ضواه الناي
عبدالله العبدلي
رد مع اقتباس
