لا انة اختلف مااحب گصر االليل
واكرهه الليل الاحمر واعشگ الهدوه
واحب عطر السدر غبشه بشته ونگاط
يذبني بغير عالم وابحر بنشوه
وافز ﭼـني على ساحل جابتة الروجات
انه الناجي الوحيد الما عرف يهوه
وندهته الشمس قرص العشكَ بالعين
لكَه نفسه بجزيرة يدور المأوه
بيا شجرة يمر ما يلكه بيها فياي
ونفس صوته يردله يردد الشكوة
وفرغ حركته بكَلبه وصرخ مليت
شوك الناس شوك وعشرتك بلوة
ولك مليت اكلك ما تحس مو عيب
لكل خيال كبوه مو الف كبوه
تبقى انت بكتر وانه بكتر والسيل
كلام الناس طبعه يكبر الفجوه
كتلك اختلف بس صبري مو شلال
هذني الوشلنه حنضل الحلوه
فراك امي الحزن والخاكي والطعنات
ودكتي لخاطرك بيبان ما تسوه
اذبهن ماارد ينطوني غير وجوه
شنو قابل عجيب اليخسر بشوره
الومن طيبتي وريف وكصب بالروح
بكثر ماي النهر تلكالنه الفدوة
شكبرها لو شفت زرعك يشبع الغيم
وعلى نار السعف من تاخذك غفوة
هذا انه اختلف ما احب كصر الليل
واكرهه الليل الاحمر واعشك الهدوه
واحب ردت الغنم كحله العجاج يصير
واحب شرب اللبن من شفة الشجوة
الشاعر سمير صبيح
رد مع اقتباس
المشاركة الأصلية كتبت بواسطة sawsanmahmoud
