امنيات مواطن (عفجاوي) مأيس
.....................
نريد مسؤول ابن ابوه كلش نشيط
(بعفج) يهتم كون ويبلط المحيط
نريد مسؤول النزيه ومايبوك
يعمر اطراف (الزويه) الوره السوك
وفلكة (احميده والعكبه) الماتلوك
وكلهه تنتخبه المواطن والكليط
نريد مسؤول الشريف ويستحي
مو جذب جاوي الجبين وملتحي
ابن اوادم خايف الله وأريحي
موعلى البزنس يدوبح للوسيط
نريد مسؤول اليعمرلنه القضاء
يهتم برزق المواطن والدواء
كون ماتنكطع دوم الكهرباء
موحرامي وفوكهه لسانه سليط
نريد مسؤول (بعفج) جيبه نظيف
وكلبه لهل اولايته دجة مظيف
للسبيلي وللفقير وللشريف
موش شايل خشمه حباب وبسيط
نريد مسؤول الينفذ جلمته
يشيل حمل ولايته وحمل اخوته
حلم هذايصير مانعرف متى
مدري نخلص مدري ينعاد الشريط
تحياتي (ابو بيادر البحاثي)
رد مع اقتباس
