شعر شعبي عراقي عن وفاة الام
راحت ...وانچفت شيلتها بـ الروح ،!
وبـ عيوني تبده الضحك دمعه،
منهد ما غمضت ، ماشفنه كل خير،!
اطلع من عسر ، وتردني وجعه
بـ ذيال الـ عباه ، كل خير مشدود
ِوعوافي اولادها بـ الشيله بقعه
اثر الها اتحرگ ، بـصفاح الخيوط ،!
حرگنه موادعچ ، ابسكته ، ( شمعه ..)
ردنه اسنونه انشرهه ، وذكرناچ ،!
ومثل وجه السهم راح ، شيرجعه،؟
يمه وداعتچ راحت الراحه وياچ،
عمر من دون وجهچ شنهي نفعه !!
راحت وانچفت شيلتها بـ الروح
وبـ عيوني تبده الضحك دمعه،
سجاد عبدألزهره
رد مع اقتباس
