هنا

['ڪُحلــَـْہ‌‍]

مشاهده


استمــاعـﮯ
كلمات قصيدة # ساعةسفر

كِلما أحس نَفسي بخَطَر
من ضيم وآلام البَشر
حَسْبة مسافة وينْتهي
تكلّفني بس ساعة سَفر

كِلما ضاگ وكتي وياي أروح لكربلة
وأرفع إيدي من بعيد وأسمَع ياهلة
أنا مو للبَشَر مَخلوق أنا مَخلوق إله
گبل ما أحچي كل شي وياه يحلّ المُشكلة

إبابه اوگف وخجلان اعاين للسِمه
وأشكر ربّي عِنْدي حِسين إبن حامي الحِمة
جَنّة على الأرض گبره شكبر هالمنزلة
شُكراً يا إله الكون على إبن فاطمة

رُبيت بجالك وزودك ياأبو الغيرة
عشگي من الصُغر معروف تَفسيره
عُمْري أيّام مِنْ وَدّوني يَم بابَك
وحُبَّك ياحَبيبي العايش بخيره

ها ياروحي وعيوني
دربك صار مضموني
ياخذني الهوا اليمّك وأشم عِطرَك وأسافر
أشوف عيونك تگلّي
طوف بحَضرتي وصلّي
من بَعْد الصَّلاة آخذ أجر حُبَّك يزاير

كلما ضاگ صَدْري أندار أروح لكربلة
وأرفع إيدي من بعيد وأسمَع ياهلة
أنا مو للبَشَر مَخلوق أنا مَخلوق إله
گبل ما أحچي كل شي وياه يحلّ المُشكلة

صَلّيت بالحَضرة وعِشت
ودموعي بعيوني ونِمِتْ
شِفتَك تِسجّل بالخَدَم
وتوقّع الصّك لعَلي

فزّيت وآنا المِبتِسم
وبدَفْتَرك شِفت الإسم
مكتوب عاشگ كربلة
وتوقّع الصّك لعَلي

أضُم چفوفي من بعيد وأتعنّى الگُمَر
وأركض رَكْضَة المَلْهوف للگلبه إنفُطَر
وأكلّه الجُربة عاشت دوم بس مات النّهر
موقف خلّده التّاريخ مو شَغلَة قَدَرْ

اوصل وألزَم الشِباچ أشم ريحة وفة
عَنْ مَصْدَر گلب موثوق مو عَنْ عاطِفة
غَيور السّاقي والوفّاي وبَعَد چَمْ صِفة
الأخو كون المِثِل عَبّاس ثابِت موقِفه

نوارِس عَ النّهَر تنزل لأجل عينك
تِشِم روحك عِشِگ وأنوب چَفينَك
سَهْم العين يوجِع ..مَنظَره بعيني
بنص روحك حِلِم ماوصلته سنينَك

حِلمَك توصَل عيالَك
تروي الظلّوا إبالك
ماهمّك عَطش وكت العَطَش روحَك چبيرة

يالمَملوح للخوّة
شوف الماي يتلوّة
مِنْ بَعْدَك فلا عاش النّهر ميّت ضَميره

أضُم چفوفي من بعيد وأتعنّى الگُمَر
وأركض رَكْضَة المَلْهوف للگلبه إنفُطَر
وأكلّه الجُربة عاشت دوم بس مات النّهر
موقف خلّده التّاريخ مو شَغلَة قَدَرْ

كِلما أحس نَفسي بخَطَر
من ضيم وآلام البَشر
حَسْبة مسافة وينْتهي
تكلّفني بس ساعة سَفر








تحميل MP3
هُــنا

[124321]

شكرا لك غلااا

['ڪُحلــَـْہ‌‍]

شُكرا لحضورڪ انرت

[صفاء العامري]

شكرا جزيلا

['ڪُحلــَـْہ‌‍]

شڪرا لحضورڪ انرت

[علي الواسطي]

عاشت ايدج مبدعة

['ڪُحلــَـْہ‌‍]

وايدك
نووورت