هنا

[فقار الكرخي]

عن هاي المجالس ننقل الصوره
مَشفه هالعزاء والزهره دكتوره

وين العنده عِلَّه وناره متوجره
خل يعقد النيَّه ويگصد ابعبره
هالمَشفه اختصاص الخاطر اتجبره
والدكتوره اسمهه فاطمه الزهره
ماعدهه خواطر تبقه مكسوره
مَشفه هالعزاء والزهره دكتوره

للتشفيله عِلته ابإيد مخفيه
يتماثل شَفائه ميه بالميه
مَشفه تختلف مابيهه كشفيه
الكشفيه فقط لحسين لطميه
كل مجلس حسيني فاطمه اتزوره
مشفه هالعزاء والزهره دكتوره

عن دافع عقيده اليوم گلناهه
من صحنه المجالس مَشفه معناهه
موجوده الزچيه ودوم ننخاهه
وبحساس ومشاعر نلطم اوياهه
بالخدام تعرف كلمن ودوره
مَشفه هالعزاء والزهره دكتوره

تشخيص العِلَل ماينوجد مِنَّه
ومضمون العلاج الدمعه والونَّه
يشعر كلمن الهل مجلس اتعنه
ماداخل عزا چن داخل الجنه
واليتسجل اسمه اذنوبه مغفوره
مشفه هالعزاء والزهره دكتوره

من تنخه الزچيه هَمَّك اتزوله
ام حسين تسمع كلشي التگوله
إدعي ان شاءالله الدعوات مقبوله
وعند الله جزائك باچر اتنوله
ثق هاي المجالس كلهه مذخوره
مشفه هالعزاء والزهره دكتوره









سيد علي الموسوي

[أستثنـآئيـّةة❤️]

يسلموو فقار