رسول انته والاهك للبشر وداك
مثل جية عزيز الغاب عنه سنين
جيتك يا شهر رمضان بعد شهور
اجواءك طعمها يفوق كل اجواء
بيها من المعاني اشعاع اجمل نور
مشتاقين نلتم بعد يوم صيام
وكت المغربية ويا الاهل بفطور
يا شهر امتحان انفوس كل الناس
شهر التذكر لكل غافل وميسور
تملي اكلوبنه لهفة ونبض عشاك
لو لوّح هلالك على اسطوح الدور
رسول انته والاهك للبشر وداك
برسالة صوم تصلح بيها كل مكسور
تنذر بيها وتبشر من الاعمال
وتبقى الخلك يا مأزور يا مأجور
اهلا بالحبيب البيه يتامه الناس
تكسوها الكرامة وكل فضل مذكور
نعبر لك شعر ونصوغ الك ابيات
رمضان الكريم البالنعم مشهور
واقع سفرتك بيه نكهة بالارواح
ما تلكه مثلها لو تعيش دهور
يارب هل علينه بحب شهر رمضان
واخرجنه بكرامة وكل ذنب مغفور
ناظم الفضلي
رد مع اقتباس