هنا

[فقار الكرخي]

احنه بشاربك و الدنيا غابت موت
وحش كورونا طبنه ادگول فارس
زرع بينه القلق والخوف والاوهام
والريج من المرض كالشجرة يابس
اقتلع كل جذره بينه تعيش بيها امال
وقفل بوب الجوامع والكنائس
وصلنه المرحله من السلام انخاف
وگمنه انشك بدينا والملابس
معقولة السنة ماعدنه كل توفيق
ويبقى حسين وحده بلامجالس
محرم هالقرب بس احنه محبوسين
مثل حبس الشذاري البلمحابس
دخيلك يابوصالح والمرض صياد
ودمعنه المختنگ مثل النوارس
بجاهك سيدي نريد السنه بعاشور
المواكب تنصب ويطبها عابس
ونعفرها المجالس من دمعنه الطاح
ومنخلي گلب من عدنه يائس
بجاهك تنفرج محنتنا كلها تزول
ومحرم يرجعنه بلامنافس
وعامر بالطم ودموعنه اعله حسين
ومتروسه الشوارع كلها واهس
مدامك انته عايش سيدي بعاشور
المواكب مانسدهن وانته حارس





م

[Secluded]

شكراً "

[Suzana]

حلوة القصيدة..شكرا فقار

[مـِـــيرآل]

عشت اخويه

[أستثنـآئيـّةة❤️]

عاشت ايدك

[فقار الكرخي]

نورتو الكون

[،،،،،،،،،]

شكرااا لك