هنا

[فقار الكرخي]

وحدك والليل يندل لمعة ادموعك
لوّن تبچي بمغارة
وحدك والباب مايعرف مشيتك
تكتب ايامك على اظهور الصخر بلچن يمرها العيد صدفة
ويطفه همك
ترسم احلامك ورد بلچن بعد هذا التعب عاشگ يشمك
منتچي اعله الوين وانته بلا مكان
تنطر الساعة التجيك ابلا زمان
واگفة الدنية ورحى اللچمات تطحن أمنياتك
ساكته اصوات المدينة ويصرخ اغراب الجفه
بتاريخ موتك
تبچي إلمن؟
يادمع يسگي الخضار وتنتهي ايام الخريف
يا بخيت اليلگه ضلّك بالوحيف
ابقى وحدك
معبد النسيان بيـ بس انته راهب
امشي بالمعبد بخورك صوت ذاتك
اعتزل كلشي الصمت مفتاح بي تلگه نجاتك









محمد الركابي

[YAĞMUR]

يسلموو فقوري

[Secluded]

شكراً "

[أستثنـآئيـّةة❤️]

عاشت ايدك

[صفاء العامري]

شكرا لك