عظم الله اجوركم لمأسي الطف الرهيبه
:::::::::::::::::::::::::::::::::::::::::::::::::: :::::::
عبد الله الرضيع
,,,,,,,,,,,,,,,,,,,,,,,,,
رضيع وراد كطرة ماي بس مله بلا رحمه
سهم حز منحره ياحيف صعد يم السمه دمه
:::::::::::::::::::::::::::::::::::::::::::::::::: :::::::::::::
تغير لون ابو السجاد وامـــــه بخيمه تبراله
وانحزالوريد اشلون وبيده احسين من شاله
من يصبر بكل الكون لـــــو جدامه هالحاله
سهم من حرمله اتعناه يعين الله كلب امـــه
:::::::::::::::::::::::::::::::::::::::::::::::::: :::::::::
ماشايل رمح لو سيف طفل ياناس رايد ماي
رضيع من العطش ويلوع يامله مثلكم هـــاي
بس ملة كفر واصنام ماعدكــــم عجيد وراي
عبد الله طفل تدرون انذبح كلي اعـــل يامله
:::::::::::::::::::::::::::::::::::::::::::::::::: ::::::::::::::
دمه السال بيد احسين الدنيه احتارت بأمره
صعد يم العرش قربان ماطاحت ولا كطره
ملائكة السمه عالصار ظلت تسجب العبره
وانصبت تعازي اهناك واهل السمه الملتمه
:::::::::::::::::::::::::::::::::::::::::::::::::: ::::::::::
عذركم شنهو ياكفــار عبد الله شنو السواه
مصيرك حرملــه والله يوم الحشر تتلكـــاه
بصقر وموجره النيران دم عبد الله ماننساه
يظل شاهد عله التاريخ السمه لمصابه مهتمه
:::::::::::::::::::::::::::::::::::::::::::::::::: :::::::::::::::
لان ملة غدر واحقاد اميه بهذي معروفـه
ماهمهم بغدر حسين ولا عباس وجفوفــه
واطفال وحرم للشام كلهه بلوعه مجتوفه
وهظم زينب الحره اليوم من هليسر متألمه
:::::::::::::::::::::::::::::::::::::::::::::::::: ::::::::::::
بقلم ابو عقيل الدغاري
رد مع اقتباس
