هنا

[المستشار القانوني]

مالت الدنيه بظهر خيالها.
اتگنطر الحيد وصبح منوالها
.....
گامت اتسوي الأسم للماله خير
ترفع الدوني وتشيم بالحقير
گامت اتغث بالشهم عنه وتدير
بالوجه گامت تفر لسحالها
مالت الدنيه بظهر خيالها
...
دنيه چنه اتگول مالك كل نصيب
كون اگضيك العمر ونه ونحيب
كون اثبت رجلك اباب الطبيب
وكون اخلي العله يثبت حالها
مالت الدنيه بظهر خيالها
.....
كون اعرف الصوچ واندل المصاب
واعرف اليصلح صدگ من الخراب
موش عطشان ويقشمرني السراب
حيره روحي وما اعرف اشمالها
مالت الدنيه بظهر خيالها
.....
مالت الدنيه وترادت من زمان
لاشرف بيها ولا طاري الأمان
من شفت هافي البخت صدر المچان
بينت عندي ابحزن موالها
مالت الدنيا بظهر خيالها
...
قيمه ماظلت بعد للأصله طيب
اتبره منه المبعد وصف الجريب
شما يحط كرخان شو گامت تخيب
تشرد الصيده وتفر لعيالها
مالت الدنيا بظهر خيالها
اتگنطر الحييد وصبح منوالها
......
هادي الصگبان
26/9/2020

[ڪُحلــَـْہ‌‍]

الله
عشت استاذ

[المستشار القانوني]

الله
عشت استاذ

شكرا جزيلا لمرورك العطر... هيفين

[أستثنـآئيـّةة❤️]

كالعادة ابداع رائع وطرح يستحق المتابعة
​شكراً لك