احبك من صدگ من حب أهلنة الراح
مو حب هالوكت والعشگ طياري
احبك من صدگ من حب أهلنة الراح
مو حب هالوكت والعشگ طياري
الليّل يعرفني نجمته التايهه بنص الاغاني
امنيتيِ الگالي وطن مايهوه ثاني
تحسّ روحك طفل تايه
غصن تعبان، ورد ذبلان
مطر وشل خلگه بالصحرة
عُمر مبيوگ من عندك بلايّه أسباب
تحسّ بينك وبين شكو بهالدنيا باب
تفتَح باب، تتلگاك عشر أبواب
ادري ماعندك ضمير
تقنع بغيري يحبك
وانه غيركّ ماهُويت
محد يريدك لنفسك
كلها طمعانة بحريرك
عيش وحدك وابچي وحدك
محد يحس بيك غيرك
انه المنطيك گلب ابيض
عليش اتخلي اصبعي من الندم ينعض
عليش اتخلي حچيي
الماحچيته وياك
يم الغربه يتفضفض .
ترة الگيعان من تنشف سواچيها
بعد مالك نفس تدنه وتطب ليها
مثل العافية وصاحبها شايب صار
هيه شضال منها وينحلف بيها
وانا
وغربتي
وشوكي
نسولف بيك ليليه...
جبار الغزي
يا انه و هلي وصبري و جريب الناس
و يا عمري اليجي و عمري العزيز الفات
عريان السيد خلف
تعال وياي
وضيّعني بعطر صوتك ..
مسني بروس اصابيعك ..
خل يضوي بسما حزني گمر بلّور
يفزز خاطري المكسور
اصابيعك مفاتيح الضوه اليندل حزن روحي ..
#عبد_الكريم_القصاب