أنت وحدڪ
ڪلشي بالدنيا يگلك انت وحدڪ
حتى خطواتك تگلك انت وحدڪ
حتى لونك
الساعة البأيدڪ
نعاسڪ
فزة گليبك يگلك انت وحدڪ
يا غربتڪ
يصرخ الحايط بوجهڪ
يا ضياعڪ
تلمض عيونك بوجهڪ
ينقفل شباجك وتعتگ حروفڪ
تسحب البردة نفسها ، وكل ظلام الغرفة يتبدة بديڪ
تصير احلامك ضواڪ
تذبل اصابيعك بديك وما تنوشڪ
عينك العشگت الوادم ما بجتلڪ
روحك النذرت ضواها الهوى الوادم ما بجتلڪ
انت نفسك ما بجيت
ومن صارت عيونك ما تشبهڪ
عفت وجهك بالمراية ومشيت
يا غربتك ، يا ضياعك
يلبيك من كل حزن بالناس شامة
من كل فرح بالناس لمضة
يلبيڪ
يالـ مملي ضياع
ياهو يندل شضاياك ويلمك ؟
ياهو منهم كاتب اسمك ؏ المخدة
وجاس روحك ؟
اصفر لوحدك حزين
ذابل ، تلملم بقاياك من الوجوه
من العيون
ومن المصاطب
تلمك وترجع لوحدك حزين
مثل الگلوب البالمحطة ، تنطفي ووحدك حزين
مثل جلمة بكاغد اصفر ، خافت ووحدك حزين
مثل گلبڪ
ذابل
ووحدڪ
حزين
قصيدة ( انت وحدڪ )
للشهيد الشاعر : صفاء السراي
من آخر القصائد التي ڪتبها صفاء ..
رد مع اقتباس
المشاركة الأصلية كتبت بواسطة همسة الأعرجي
