ما باجي كد حزني بعدني
ما باجي كد حزني بعدني
زعلان دم ماكو اعلى ردني
يل تايهات شويه عني
ما باقي من اليوجعني
خلصت عيوني اعلى الطواري
ولا هوه يفزز باب داري
حنيت بابي وباب جاري
هلبت تجون وتطفه ناري
ترفس بكلبي المغربية
لما ينحجن ثكلن عليه
اليوجعن وجعة منيه
بيناتنه العباس بيه
الحلوات ما يوكع كحلهن
دمعاتهن بس اعلى خلهن
كد الطم كطعن حجلهن
من خدودهن دم بكذلهن
ركضت الناس اعلى دكاكين
من رجع كلبك ينبض وزين
حضرت حنه ونذر عيدين
كلبه اعلى ناسه المات مرتين
كون اليموت يموت بالكيف
ومن تحن يتلكاك بالطيف
حرورة صوابك عبرت الصيف
عظام احنه وفراكك شته وسيف
ثامر سعد
رد مع اقتباس
