مرحباا بنات
اليوم جبتلكم طريقة عمل #خلية النحل
سويتها بطريقتنا عراقية سهلة
المقادير حبيباتي
•كيلو طحين صفر
•2ملعقه لبن روبه
•ملعقه اكل سكر
•ملعقة خميرة
•بكن باودر/1
•ربع كوب زيت
الطريقة تعجن المواد سوا بالمي وبعدين تكومين ادوسين العجينه بالدهن الزيت شلون طريقة الكليجة اكيد تعرفون هالخطوة
وتتركين العجينة تختمر ساعه ونص …
بعدها تجيبين جبن اي شي يعجبج من انواعه
اني افضل جبن المثلثات وسمسم وتجهزين شيره
وبعد ماتختمر. العجينه تاخذين قطعه من العجينة وتحشينها بالجبن وتبدين تصفطين الكرات بالصينية مالت الفرن وراح تكون بهالشكل
وتضيفين الها رشة السمسم.
وتخلينه بالفرن
ومن تكمل اطلعينه وتضيفين فوكاها. الشيرة وراح تمتصه كوله.
وتتركينه دقيقتين تبرد وهذا شكلها النهائي
والف عافيه
رد مع اقتباس
المشاركة الأصلية كتبت بواسطة sawsanmahmoud
