تشوف العجب
::::::::::::::::::::
الدنيه من تضحكلك اتحذر يصاح,,
باجر تبجيك
وتشوف العجب,,,
اليفرح بدنياه وينصاب بغرور,,
بوهم عايش
والعقل منه انسلب,,
الدنيه غداره ولا الهه امان,,
لاتعاتبهه
فلا تسوه العتب,,
اشكد عجيبه اسرارهه اتحير العقول,,
غلط بحسابه
الذي وياهه حسب,,
يوم تترسلك اسلال شماتريد,,
ويوم تنهب
سلتك ويه العنب,,,
مدرسه الدنيه صعب بيهه النجاح,,
جم شهم وجم ذكي
البيهه رسب,,,
اصحه ياصاحبي وانظر للحياة,,
الدنيه ابداً
مو ملك للهب ودب,,
العمر ضيف ايزورنه عابر سبيل,,,
والرحيل اعلينه
ياعمي انكتب,,,
قطعة قماش وكطن وكت الرحيل,,
والجنيته ايظل
لون فضه وذهب,,
والسفر باجر يعمي ايريد زاد,,
ولو يشح الزاد
مريود السبب
:::::::::::::::::::::::::::::::::::::::::
بقلمـــــــــــــــــــــ ــــــ الدغاري
رد مع اقتباس
المشاركة الأصلية كتبت بواسطة ۛ ּمــذڪــڕاټ ̨؏ــاڜــڦ
