المغربيه التم حزن كل المدينه وجاس گلبي
طارق بريسم
.،
المغربيه التم حزن كل المدينه وجاس گلبي
طارق بريسم
.،
يجـي يوم وهيج نتلاگة بمكان ؟
وكون نتماشى بطبع !
ثنينة ندخن سوه ،
جگارة وحدة وكون من حلگ لحلگ ..
وعلى الگطف ، رسمات شفتج تنطبع
صدك وترد
صدك يبزغ فجر جيتك
واسولف يمك واكعد
صدك قداح حبنه المات
يروه اردود ويورد
علي انذور لو رديت
يفلان وتلاكينه
لسوي اضلوعي الك شمعات
معتلكه بصوانينه
احرس للصبح عن لا تبوكك عين
وتفك الباب بيدك للحرامية
صحيح أنا اهلي فقرة وثوبي شكه العوز
بس وداعتگ جني أملك الدنية..!
..
مرة اهجيك
مرة اتغزل بطولك
تضل ساكت، لأن گتلك صعب طبعي
وگلت ميخالف أتقبل عليچ الكعبة حبيني
يله تحمل لكلشي يبعد الروح
چيفن إحنا متفقين حبيتك بعد عيني.
..
سَاومت عيّنك على الدِنيا ولگيتك أغلى مِنها
ودَورت عَنك لگيتك كل فَرح روحيّ وحِزنها
.
شبيه مالي خلگ ؟
موحش عليه البيت ،
ياگلبي بس لا صدگ
سويتها وحبيت .. !
- علي الفريداوي
.
..
ردني ردني
يالبگتني
بليلة أجيتك
دورت روحي اعلئ روحي
لا شفتها ولا لگيتك
- الگاطع
..
..
أجس گلّبي الفضي متعوب حد الويل وادعيله الصبر عن لايفشلني
- عريان السيد خلف
..
..
مآدرينه ألريح عالي..؟
لمن أهتز ألسعف صدفه أجينه
وصدفه رحنه وألعمر كله صدف
گطره گطره
ومآدرينه ينشف ألمآي ونشف
كاظم اسماعيل الكاطع
