وڪت خله الغرب تسألني عنك
يما تدري شڪثر مغثوث منڪ
متيه وجهي من تشوف الوجوه
عرف والحلوة ما شايفني جنڪ
شڪثر شايلڪ وما شايل عليڪ
جروحي ستغربن من باوعلڪ
ڪبل لا رايح اذڪرهن وياي
العطش ڪسرة وجوه لسمعة الماي
جنت غيمه وادور يمڪ فياي
رحت ودموعي بفراكك قرنڪ
يلمبتعد عني ابتعد مني
شثڪلهن ذڪرياتڪ تعبني
ڪلشي يشبهڪ يبجيني مرات
بحيث هدومي بعدڪ يوجعني
عفتڪ والقصايد رجعني
ما معقولة صفناتڪ نسني
جنتلڪ زين وانت بڪلشي مو زين
مليت عيونڪ ومليت مني
شيبين بيڪ شو ما شالله بخير
يوميه ؏ عشڪ يستقر طير
هضيمه اتعب و اربي لخاطر الغير
شايف من تفارڪ وانت لسه تغار
ويصفن بيڪ لونڪ والهضم يحتار
من يروح منڪ وانت بعدڪ حار
شيبرد ابراهيم جروحڪ
شايف من تڪله ءنتهت بالحسره
وتجبر دمعتك بس حيلڪ تكسر
وتضيع اخباره بس تتمنى لو ڪبره
بلڪت نفس اترابه يدفنڪ
شايف من تڪله الله يعوض الراح
وبڪلبڪ حجي بس انت صوتڪ راح
من تثڪل ڪلمتك وانت حجيڪ راح
تتخيل تابوتڪ بمتونڪ
شايف من تسألڪ أمڪ شمالڪ
وتڪللها راح تڪول هنيالڪ
يبني العشڪ مرات ڪتالڪ
وتڪلها شمدريج عايش اي يمه
شايف من تحس غيرڪ سڪن ڪلبه
تغار ، تموت ، تبجي ، المسألة صعبة
بوطن حضن امڪ ومتروس بالغربة
مسڪينه امڪ بس تلولي
شايف من يڪلڪ رايح اتزوج
و تطفى الدنيا بيڪ ودمعتڪ تنوج
الڪاع تحسها مرجوحه ؏ متن اعوج
وتڪول لضيمڪ يسترسل
شايف من تعوفه و تڪعد من النوم
ورمضان الحجي ڪاضيها بيڪ يصوم
زين من مابيڪ تحجي شلون بيڪ تڪوم
يراد لصوتڪ عڪازة
هسه شفت هذا الصاير بحالي
ابن ڪليبي شفته يصير مو مالي
ابن ڪليبي شفته يصير ڪتالي
الغالي العلى ساعه وصار مو غالي
بس اني اشبه ڪل جروحي 
رد مع اقتباس
المشاركة الأصلية كتبت بواسطة ۆھَہّــﻣ̝̚
، عيوني ^_^
