ما طولك تحب النوم
صور بالطيف اوديلك
ما احجي واكلك
شوف
اخلي الصوره تحجيلك
ذمه بركبتك لا تروح
رحت!!
مو كتلك دخيلك
ضعت يلضيعتني وياك
اضيع وما تضيع منين ما اجيلك
رحت!!
بس خطوتك تذكار
ويم حظره خطوتك كاعد اشكيلك
اذا مابيك حيل وياي
افل حبال حيلي حتى اشد حيلك
ويضل حضني الك منذور
اله انته تجي وتنام بي ليلك
جيلك سودنتهم كثر طيش البيك
انه شسودناني
مو ابن جيلك
انه ترس الشليل هموم
ويلم بلورد من يلتم شليلك
زرت بس فركتك بلبال
مهدل بلزياره بحضره العباس وادعيلك
الك كلبي كبل كاروك
وشريان الكلب تغفه ويلوليلك
عشكتك من جنت جاهل
من علباب تلعب
من اكض شفتك واناغيلك
تذكر من تواعدنه واجانه اليل
جبت حتى الكمر علدرب يضويلك
مناطر والسنين دموع
وخلص عمري دمع من عيني ابديلك
رحت كلشي عمه بفركاك
عمت حتى الدروب
بيا درب لو رايد امشيلك
ولان داود شفتك والي ترهم دين
ماعوفك بعد بلكلب انجيلك
حط للسمه اذنك
راح تسمع صوت
اكسر خاطرك من انعع وابجيلك
سمعني خبر بجفاك
ماعندك رحم؟؟
جم دوب اوصيلك
دخيلك مالي حيل فراك
بجيت عيوني
شبجيلك
تجي ساعات اجن بلشوك
اعله شوك البارحه بليل شحجيلك
ولك دلحكلي هدني جفاك
وانته الهدمتني!!
تكلي شبنيلك
اعله متني سنين عمري ومتني من شافاك
ذب سنين عمري
خاطر يشيلك
جنت تتمايل من الريح
وانه بلا حيل اجي
بكل حيلي اتجيلك
ورده وجنت اخاف تموت
وبشحه الماي بدمعي اساكيلك
الصدك لا
ما وفيت وياي
بس شبيدي اسويلك
تمشي وتسحك اعه الروح
واكلك دوس واسحك
ما اوافيلك
رد ناذرلك اذبح شوك
وبدم الشوك
عتبه بابنه جفين احنيل
اجيت احجي واجاني الموت
ومتت نص القصيده وما موصيلك
وانه بكلبي وصيه وما موصيلك
شاهد الموضوع الأصلي من هنا شعر حب بجنون - صور بلطيف اوديلك ..... الشاعر مظهر الزبيدي