وانه بگل درب أظلم
أصيرنلك شمع وهلال
سفاح عبدالكريم
وانه بگل درب أظلم
أصيرنلك شمع وهلال
سفاح عبدالكريم
صـار بـارد
كـام مـن يرد عـلي
مـثل الغـرب
جـان مـن يهلي بيه
يفرش اعيونـه اعـله طولي
وتفتح البيبان فـرحـة وانـه اطـب
(مـرتضى الحمّد)
مــن وعيت وانه ضايع
ماكو عنوان أعتنيله
ولا أكو واحد دگلي صدره
وگلي ذب حملك وشيله
بــيـة هـــــم الـنـاس كلها
وعيني بــالــدمعه بخيله
وهــمـي مــاسولفته لحد
خـاف يحسبني أشتكيله
(فاضل عبد السادة)
.
اليلوموني اعله طيفك من اچلب بيه
گلهم لايلوموني ..!
انا العايش على الله وجية طيوفك
واگول بخير
لو رادو ينشدوني ؟..
(سعود الخفاجي)
صفنه صفنه
اسمك خذاني وهل هويتك
مو هواهم
هذا انه الطالع وطاب اعله ريتك
ومو اثرهم
هذا عمري الفوگ دربك
حتى لو گتلي اكرهك.. هم احبك
باجر اترس كل شرايينك
واطب گوه اعله كلبك
باچر تكلي احبك
(فواز رشم)
يهل وادم
تره المتطشّر بروحي صعب يلتم
يخلگ الله إشتهيت ألتم
ماي العين وشّلته
أريد إنوب أوشل الدم
(حسن وصفي)
هالكيتو اهواي مثـــلي
لو بــــعدكم تايهين
احـــنه ما عفنه المحنه
ندري بيكم راجــــعين
(منتظر الكناني)
صرت استحرم الضحكه
اذا مرت عله شفافي
احلل دمعتي التنزل
وافزز كل حزن غافي
الحدر ضلعي شكثر داسوه
ولا مره صحت كافي
(نور رعد)
بعدني .. شما علوّ حدري
بعدني .. شما حچوّ ادري
بعدني أكبر
شما رادو اطيح ..اعيونهم تعثر
شما رادو اغيب .. ابالهم افتر
بعدني .. شما خذو مني
افيض بمستحاي أكثر
(قاسم بخيت)
بلچي والگاهم رسالة
حتى لو كتبولي سگته
حتى لو دزولي
صوت بلايه صوت
حتى لو دزولي گذله
مشرشبه بشيبات اهلهم
المهم ريحتها منهم !
(مظفر النواب)