طبع الكطه
................
بمرواح الوكت ذريت الايام...
اريد بعينك
اتشوف المصايب...
مثل طبع الكطه ....
لو ينترك نام....
شلون العين تغفه من الطلايب....
روحي تفلشت....واشكثر تنظام....
من جور الليالي.....
امست خرايب.....
حاربني الوكت.....متحزم احزام....
ماشايف .....مثل هاي الحرايب...
من باني وبني واشكال هندام.....
وجمع كل السرايا ....والكتايب...
بلعشره بصمني...مو بالابهام...غم رايك.....
يكلي موش صايب.....
يكص ايدي ....ويكلي صير بلام....ابحر ذبني.....
ويكلي صيح تايب....
وكت مايستحي .....
من يصدر احكام....
يريد الماي ....
كون يصير رايب....
اتوجه اعل جرحي ....واحمل الام...
وعله النخوه......ابد مايوم...غايب ....
المثلي يظل عايش بالاوهام....
ادير العين بس ماكو
....حبايب...
اظل امشي برهاتي .....بنكل الاجدام
..ولو عمري جزه ....وصرت انه شايب.....
ظلت ذكرياتي بس بالاحلام....
وتترادف ...علي....عجله النوايب...
ابنادم من يروح....بوصلة الخام....لاجاه .....الينفعه ...ولا كرايب...
لان هو...يظل هناك ...ينلام...ياويله ....الطلع...بافعاله ....خايب..
كل هذا وتكلي ....الخير جدام....وراواني..الوكت ...هاي العجايب.....
..............................
بقلم الدغاري
رد مع اقتباس
المشاركة الأصلية كتبت بواسطة هـآئِـم ۦٰ
