هنا

[المستشار القانوني]

مشاعر ام ...لولدها البار
.................................
اوليدي ياشريج الروح...فدوه الطولك اعيوني
مالمني الفرح فد يوم...من بسمك ينادوني
حياتي انته ونبض كلبي
ينور ونورت دربي
بسعاده وخير ياربي
اعل طارييك يهنوني...فدوه الطولك اعيوني
.............................
وفيت انته اعل سهر الليل..ولا يوم العله صوتك
عليه اشكد حنين اهواي...شهم والعفه بمروتك
يبر الوالده الوفاي
انته فرحتي بدنياي
مثل الهوى ومثل الماي
ابد.ماخابت اضنوني
فدوه الطولك اعيوني
............................
اصيل وتخفظ اجناحك..كبالي وماتشيل الشوف
ظل بذني كلامك ذاك..كعبه امي وعليهه انطوف
اوليدي الوفي ورفعة راس
بيك اتباهه بين الناس
غيور وتمتلك احساس
عطرك لسه بمتوني
فدوه الطولك اعيوني
..........................
بقلم الدغاري

[Aya']

روعة.. شكرا جزيلا