تعال . سويعــه رايـد اكَعــد وياك
تعال شبيك ارجــع طالـت المــده
تعـال وداعتك ظل بالي مشغول
تعال وخلي كلبي بشوفتـك يهــده
خلص عمري اناطر واتـــنه ملكاك
اريــد ويــاك اشــد حبــل المــوده
على كيفك يخايب سمي بالرحمن
واذكــر اسـم الله وبــي تـهـده
فتحتلك باب كلبي وكتلك اهلا بيك
ركضت انته بعجل شو رايد اتسده
صرح حبنه بنيته بكلبي يفلان
وعلى باب الكلب حطيتلك ورده
تعال الدمع حارت بيه العيون
ويا لحظه الاذكرك ينزل لوحده
صحيح الدمع حار وعذب الوجنات
لجن كلش حلو من يحفر بخده
بجيت بدم عليك وكلت بلجي تعود
طلع ظني غلط والمات شيرده
جنت حاكم زماني بيوم جنت وياي
انتهى حكمي بغيابك وانتهى عهده
تعال سنيني غركت.. ذبلت الايام
وهوى عمري وتفلش وانهدم سده
بعد المن اعد واحسبلك شهور
شهر الما الك بي خبزه لتعده
صرح حبنه البنيته تهدم وطاح
وكل اثاره راحت واندثر مجده
وحتى الورده ذبلت كثر ماتشتاك
تكلي شبي حبيبك كلب ماعنده
اه من سهم التجافي شكد اليم
فات بوسط كلبي وبي تعده
بقلمي
رد مع اقتباس
المشاركة الأصلية كتبت بواسطة حمامة سلف
