د خلّيني خشب عايش
بلم طايش
عرف نفسه ابحضن بحرك!
واحسبني عطر تايه
يحس گاع الوطن، نحرك...
أرض الله بكمالاتي،
و اذا اشمخ، أخلّف كل ضوه البالليل!
فنّة الحاول ايچزني...!
يبو عيون التلولي غياب
نويت ابعينك اتهزني؟؟!
تهانينا....و ألف عفية...انجحت انت
و خسرت آنه ...الشمس و طيوري و مزني
و عفتني امحيّر و ولهان
أحب و مستحي و خجلان
مثل خيط الضوه بـ سرداب ،
احير شلون اضم حزني!
تهَيج اصورّك جروحي
و ملح رسمك ...
حدر كل آخ من روحي
لگيت اسمك
حزن مديوف بالحرگة
حزن مامش وراه ملگه
اغوص بذكرياتك حيل
تجي عيونك تفزّزني!
حسين نجفي
إيران
٢٠٠٨
كرمانشاه
رد مع اقتباس